Bul másele qazir álemniń órkenıetti elderiniń bárinde qyzý talqylanyp, tyǵyryqtan shyǵar joldyń túrli nusqalary qarastyrylýda. Bul baǵytta Qazaqstan Respýblıkasy Prezıdentiniń jurtshylyq talqysyna salǵan «Birtutas Ult bolý» jolyndaǵy oı-tolǵanystarynda kópshiliktiń kókeıinde júrgen kóp saýalǵa jaýap bere alady. Sol sebepti oǵan tek Qazaqstan ǵana emes, álemniń ózge de elderindegi saıasatkerler, ǵalymdar men ózge de ǵylym salalaryndaǵy sarapshylar da qyzyǵýshylyq tanytýda.
Memleket basshysynyń qoǵamdyq sanany jańǵyrtý maqsatynda usynǵan – Qazaq tilin birtindep latyn álipbıine kóshirý; «Jańa gýmanıtarlyq bilim. Qazaq tilindegi 100 jańa oqýlyq»; «Týǵan jer» baǵdarlamasy, «Jahandaǵy zamanaýı qazaqstandyq mádenıet», «Qazaqstandaǵy 100 jańa esim» sııaqty aldaǵy ýaqytta qolǵa alynatyn jobalarynyń bári kópshiliktiń kókeıinen shyǵary sózsiz.
«Ult pen til máselesine kelgende eń bastysy, ulttyq oqshaýlanýdan, tomaǵa-tuıyqtyqtan qashý kerek» degen ustanymyn keńeıtip, baǵdarlamalyq maqalasynda ulttyq sanany jańǵyrtýdyń naqty jolyn kórsetip otyrǵan Nursultan Nazarbaev barshamyzǵa ult múddesi jolynda birigýdiń mańyzyn barynsha túsindirip berdi. «Rýhy erkin halyq qana uly isterdi atqara alady... El kóshin bastaý – maǵan syn bolsyn, meni qoshtaý – elge syn bolsyn» degen Elbasyna dál qazirgi kezeńde bizdiń de qoldaýymyz óte qajet dep oılaımyn.
Klara SADYRBAEVA,
О́zbekstannyń Naýaı oblysyndaǵy
qazaq mádenı ortalyǵynyń tóraıymy (О́zbekstan)
